BAIUCA

Baiuca está en plena efervescencia: consolidando Barullo como un dos grandes álbums de 2024–25 na música galega, levando a festa por escenarios internacionais, colgando "sold out" nos grandes locais, actuando en galas e festivais e apostando por fortalecer a tradición a través da electrónica e a colaboración. É, sen dúbida, unha das voces máis relevantes da música galega contemporánea e unha inspiración para nova chea de músicos que buscan as súas raíces sen renunciar á vangarda.